Zayn malik

الدرس ده مهم جدا جدا وانا هشرحه من وجهة نظر فهمي للموضوع واتمنى لو عند حد منكم اضافة يتفضل بها في تعليق والله المستعان والموفق
:::::::
تعريف التظليل :
هو الخطوط المتوازية أو المتقاطعة في اتجاهات مختلفة والتي ترسم بالقلم أالرصاص بشرط أن لا يظهر بداية الخط من نهايتة .
ويعتبر التظليل تقنية او أسلوب في فن التظليل تظهر بة تأثيرات الظل خصوصاً في اللوحات التي تكون غالباً اما بالرصاص أو بقلم الحبر .
عن طريق تخطيط مساحة معينة في اماكن الظلال المحدده التي اما تكون ناتجه عن اختلاف الألوان وتدرجها من غامق الى فاتح او عن سقوط الظل على الشكل بطريقة ما
ومن الممكن أن تكون خطوط متقاربه او متباعدة تتكون منها مساحات مختلفة الدرجات من الظل على حسب درجتها بالصورة الاصل
وينصح بالألتزام بأماكن الظل والنور وتحديدها على الشكل المراد تظليله قبل البدء في وضع الظل
تفاصيل الموضوع وكيف اقوم بالتظليل بطريقة سهله
الأول يا جماعه لازم نحدد اماكن الظل والنور اللي هنشتغل عليها وببساطه فيه قاعده بتقول كل داخل مظلم وكل خارج منير
يعني ايه الكلام ده
يعني المكان البارز هو اللي بياخد شكل النور او الأضاءه والمكان الداخل هو اللي بياخد شكل الظل والمفروض ننتقل من مكان الظل الى مكان النور تدريجيا علشان نحقق شكل ثلاثي الأبعاد
لو انت بتستخدم اقلام رصاص فيه منها درجات وهي
درجات خفيفه او اللي بتدي لون فاتح ( h )وده فيه منه درجات 1 و 2 و 3 و 4 وهكذا
ودرجات بتدي الوان غامقه وهي ( b ) وفيه منه درجات بردو متعددة
وده بيحقق لن كل انواع الظلال من الفاتح للغامق علشان نقدر نحقق ثلاثي الابعاد ببساطه
هنشرح الاول طريقة التظليل بالرصاص
بعد ما بنحدد اماكن الظل والنور بنحدد كمان درجات الظل بتاعتنا اللي هنشتغلها ونشتغل بالقلم المناسب لدرجة الظل جرب اقلامك على ورقة خارجية واختار القلم المناسب للظل )
ابري القلم بالقطر وطول السن وامسك القلم بخفة وما تضغطش عليه بقوة ولو كان المكان مستقيم هتظلل بخطوط مستقيمه متقاربه حتى تندمج في بعضها ولو المكان واخد انحناءات هتظلل بموازاة الأنحناءات دي علشان هو ده اللي هيحقق ثلاثي الأبعاد والمكان الداخل بيكون اغمق وتخرج منه بتدرج
وفيه فنانين بيحبوا يسيحوا الظل وفيه فنانين ما بيحبوش التسييح ..
لكن انا هشرحلكم التسييح بردو
افضل حاجه انا شخصيا استعملتها في تسييح الظل هي المنديل
كنت بطبق المنديل وأسيح الظل من المكان الداخل للمكان النور بتدرج ونصيحه مني لو هتستعمل التسييح في التظليل لازم يكون معاك خامه تفتح بيها مكان النور بعد التسييح زي ( صباع طباشير ابيض ) تمشيه على مكان النور فهيفتحه وبعد كده بمنديل نظيف وتسيح الطباشير في مكان النور هيديك شكل ثلاثي ابعاد وهات كمان حاجه اسمها ( استيكة فحم ) بتبقا طرية جدا زي العجينه بتفتح يها مكان ما تحب
وطبعا انا عارف ان الكلام من غير ما تشوف بعينك بيبقا صعب جدا علشان كده بنصحكم بالبحث في يوتيوب عن الفيديوهات ولازم تشوف بنفسك تبحث مثلا في ( تسييح الرصاص بالمنديل في الرسم - فن التظليل - تظليل بالرصاص - الظل والنور بالرصاص )
اما الناس اللي بتستخدم الوان الخشب مثلا لما تيجي تظلل مثلا تيشيرت ازرق هتلاقي عندك في الالوان درجات من الازرق تعرف على طول ان ازرق غامق ده مكان الظل وازرق فاتح مكان النور وانا شخصيا بستعمل قلم واحد في التظليل ومكان الظل بضغط على القلم واخرج من الظل للنور بتدرج خفيف لتحقيق ثلاثي ابعاد للشكل وكمان لازم تسن قلمك كويس جدا وتقرب الخوط من بعضها وتخفف ايدك على القلم متطلعش روحه في ايدك ‏‎grin‎‏ رمز تعبيري
وبعمل نفس الطريقة مع اي قلم واي لون وتجيب قلم ابيض فيبركاستيل زي الأستيكه لكن شكل قلم علشان تعمل بيه اماكن النور الضيقه زي اللي جوا العينين وفوق الشفايف وغيرها من المناطق الخطيه اللي الأستيكه بتوسعها منك
دي نظره عامه عن التظليل ولكن كل جزء له طرق تظليله وده هندرسه مع بعض كل جزء لوحده فيما بعد من عينين وانف واذن وفم وتجاعيد وايدي وارجل وغيرها من الأشكال وطبعا هيكون فيه درس خاص لكيفية تظليل الاجسام الاخرى مثل النبات والجماد ( طبيعة صامته )
مع المنشور ده فيه صور كتير للتظليل وصور للادوات اللي انا قلت عليها صورة لدرجات الاقلام والاستيكة والقلم الابيض ابو فرشه
الكلام ده من وجهة نظري ومن خبرتي القليلة وقد تكون طرقكم وخبراتكم افضل مني علشان كده ياريت اللي عندو معلومه ينزلها في تعليق
:::

يوم النتيجة

الحرية

الدراسة تناحه

حرية تعبير

كاريكاتير كدب الاعلام

كاريكاتير التخلف

كاريكاتير الطالب المطحون

by/El fnan

by/El fnan

by/El fnan

by/El fnan

by/El fnan

احترافية العيون